အလွမ်းတွေမရှိတော့တဲ့အခါကျရင်
ကို့နှလုံးသားရဲ့ရင်ခုန်သံတွေ ရပ်တန့်သွားလိမ့်မယ်
ရွက်ဝါကသူ့ဘဝကို ကြွေကျပြီး
နွေရဲ့အလှကို ဖန်တီးပေးသလိုမျိုး
ကို့နှလုံးသားကိုပေးဆပ်ပြီး
ရတီရဲ့ အပြုံးလေးတွေကို တောက်ပစေချင်ခဲ့တာပါ
ဒီအချိန်မှာလေ
တန်ခိုးရှင်တစ်ဦးကသာ ဘာအလိုရှိသလဲလို့မေးခဲ့ရင်
ကိုအလိုချင်ဆုံးက
ဖျတ်ကနဲ ဖွင့်လိုက်ပိတ်လိုက်လုပ်တတ်တဲ့
မျက်တောင်လေးတွေရဲ့ လှုပ်ရှားမှုတိုင်းမှာပဲဖြစ်ဖြစ်
တဒိတ်ဒိတ်ခုန်နေတဲ့ ကို့နှလုံးသားရဲ့ ရင်ခုန်သံတိုင်းမှာပဲဖြစ်ဖြစ်
အိပ်စက်ခြင်းရဲ့ ဟိုးဘက်က အိပ်မက်တွေထဲမှာပဲဖြစ်ဖြစ်
ရတီနဲ့ စက္ကန့်ပိုင်းလေးလောက်ပဲရှိတဲ့ ဆုံဆည်းမှုကလေးတစ်ခုကိုပါ
ကို့အနားမှာ ရတီမရှိပေမယ့်
ကိုရဲ့နှလုံးသားထဲမှာ အမြဲတမ်း ရတီရှိပါတယ်
ရတီရယ်
ကိုတို့(၂)ယောက် တစ်ယောက်ကိုတစ်ယောက် စိတ်ဆိုးစိတ်ကောက်လို့
စကားမပြောဘဲ နေချင်နေပါ
ကိုတို့(၂)ယောက်ကို ဝေးရမယ့် လမ်းခွဲစကားတော့
ဘယ်တော့မှ မပြောကြေးနော်
ရတီ ကိုအရမ်းချစ်တဲ့ 'ကိုကို'
No comments:
Post a Comment